Nga 1 dhjetori Google do të fshijë këtë kategori të llogarive

pixabay

Nga 1 dhjetori, kompania Google do të nisë të fshijë llogaritë “joaktive”, që do të thotë të gjitha llogaritë që nuk janë përdorur për të paktën dy vjet.

Kjo do të thotë që emailet, videot, fotot, dokumentet dhe çdo përmbajtje tjetër në atë llogari do të fshihen.

Kompania ka thënë se llogaritë që nuk janë përdorur për një kohë të gjatë mund të rrezikohen dhe se ato zakonisht kanë më pak kontrolle sigurie dhe nuk kanë vërtetim me dy faktorë.

“Si rezultat, këto llogari mund të vidhen dhe të përdoren për përmbajtje të padëshiruar ose të tjera me qëllim të keq, si dhe për vjedhje identiteti”, thuhet në njoftimin e Google.

Mënyra më e lehtë për ta mbajtur llogarinë aktive është që përdoruesi të regjistrohet të paktën dy herë në vit, raporton Washington Post.

Përveç kësaj, llogaria nuk do të çaktivizohet nëse përdorni kërkimin “Google” ose shikoni YouTube përmes asaj llogarie.