Ambasadori gjerman: Kosova po rrugëton mbarë në reduktimin e ngrohjes globale

Foto Twitter: @GermanAmbKOS

Ambasadori i Gjermanisë në Kosovë, Jorn Rohde, ka thënë se Kosova është në rrugë të mbarë në reduktimin e ngrohjes globale, duke krijuar stimuj për investime të gjelbra.

Përmes një postimi në rrjetin social “Twitter”, Rohde e ka bërë këtë deklaratë, më pak se një javë nga konferenca kryesore e këtij viti për ndryshimet klimatike, COP28, përcjell albinfo.ch.

”Më pak se 1 javë për të shkuar në konferencën kryesore të këtij viti për ndryshimet klimatike: COP28! Reduktimi i ndikimit të ngrohjes globale nuk është i mundur pa tranzicionin e energjisë. Është mirë të shohësh që Kosova është në rrugë të mbarë, duke krijuar stimuj për investime të gjelbra!”, ka shkruar ai.