Lajme
OBSH: Rritet përdorimi i antibiotikëve pa kriter, kërcënime për jetën
Përdorimi pa kriter i antibiotikëve është një ndër kërcënimet kryesore të shëndetit publik. Organizatat Botërore e Shëndetësisë ngre alarmin për konsumimin e antibiotikëve pa recetë dhe vdekjet e larta që po shkakton rezistenca antimikrobike në Evropë dhe mbarë botën.
Pas një anketimi të kryer në 14 vende të Evropës, përfshirë edhe Ballkanin Perëndimor, OBSH konstatoi se një e treta e popullsisë së rajonit përdor antibiotikë pa recetë mjekësore. Arsyet e marrjes së antibiotikëve ishin ftohjet, simptomat e ngjashme me gripin, dhimbje fyti dhe kollë. Por ekspertët e OBSH-së theksojnë se pa vizitën dhe ekspertizën e mjekut nuk mund të merren medikamente dhe aq më tepër kur bëhet fjale për viroza ku antibiotikët nuk bëjnë efekt.
Mbipërdorimi i antibiotikëve, mjeku: Është një alarm botëror
“Arsyet e përmendura për marrjen e antibiotikëve përfshinin ftohjet (24%), simptoma të ngjashme me gripin (16%), dhimbje të fytit (21%) dhe kollë (18%). Këto krijojnë arsye për shqetësim, sepse këto simptomash shpesh shkaktohen nga viruse kundër të cilave antibiotikët nuk bëjnë. Ekspertiza mjekësore është thelbësore për të bërë një diagnozë të saktë e për të përcaktuar nëse antibiotikët janë rruga e duhur e trajtimit”.
Drejtues të Organizatës Botërore të Shëndetësisë u bëjnë thirrje shteteve të ndërmarrin politika për ndërgjegjësimin dhe edukimin e popullatës për mosmarrjen e medikamenteve pa kriter. Gjithashtu të mos lejohet shitja e antibiotikëve pa recetë
“Faktorë të tjerë të rezistencës antimikrobike i kanë rrënjët te normat sociale dhe kulturore të mësuara në komunitet, për shembull, mos përfundimi i një mjekimi antibiotikësh për të ruajtur disa tableta për herën tjetër kur të sëmureni ose shkëmbimi i tyre menjë të afërm apo fqinj të sëmurë. Kjo sjellje e mësuar mund të marrë kohë për t’u ndryshuar dhe është e domosdoshme që njohuritë mbi studimin e sjelljeve dhe kulturave të përdoren plotësisht gjatë planifikimit të ndërhyrjeve”
Sipas të dhënave të OBSH-së, 5 milionë njerëz vdesin çdo vit në botë nga rezistenca bakteriale që krijohet nga përdorimi pa kriter i antibiotikëve. Ndërsa ne Evropë humbin jetën çdo vit gjysmë milioni qytetarë.
Të tjera nga Lajme
E-Diaspora
-
Kurti fton diasporën të bëhen pjesë e institucioneve të Kosovës përmes diplomacisë qytetare Përmes një video-mesazhi kushtuar bashkatdhetarëve, kryeministri Albin Kurti ka bërë të ditur se Qeveria që udhëheq...
-
Gjuha e arbëreshëve zyrtarizohet në shërbimet e gazetarisë në kanalet Rai Calabria
-
Cyrih: Valltarët e shoqatës kulturore “Plisat” i janë bashkuar aksionit bamirës “Tag der guten Tat”
-
U mbajt simpoziumi shkencor në rastin e ditëlindjes së Skënderbeut
-
Boksieri Bernardin Jakaj, i gatshëm për meçin e së shtunës në Vjenë
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?