Kapiteni i kuqezinjve falënderon tifozët për mbështetjen në rrugën drejt kualifikimit

Keystone

Kapiteni i Kombëtares, Berat Gjimshiti, është shprehur se është krenar për këtë arritje.

Ai në një intervistë për TV Klan ka falënderuar tifozët për mbështetjen.

“I papërshkrueshëm, besoj se nuk ishte ndeshja jonë më e mirë, por prapë një pikë na çon në Europian dhe jemi të gjithë të lumtur. U duk dhe në stadium sa shumë tifozë erdhën për të parë ndeshjen, i falënderoj për mbështetjen në këto eliminatore, kemi tifozët më të mirë”, u shpreh ai.

Gjimshiti thotë se e kuptoi që do të kualifikohet në Evropian pas fitores me Çekinë. “Të them të drejtën, e kuptuam që në ndeshjen e fundit që fituam 3-0 me Çekinë, ishte ndeshja që na dha më shumë vetëbesim të gjithë lojtarëve. Tifozët e kanë thënë që para një muaji. Në futboll mund të ndodhë gjithçka dhe duhet të jemi me këmbë në tokë, por prapë vetëbesimi bën ndryshimin”, u shpreh kapiteni, përcjell albinfo.ch.