Dardanët përballen me Izraelin

Takimi zhvillohet nga ora 20:45 në kualifikimet për Euro 2024

Kosova sonte në stadiumin ‘Fadil Vokrri’ përballet me Izraelin.

Dardanët do të luajnë në praninë e tifozëve sfidën e tetë të kuadër të kualifikimeve për Kampionatin Evropian ‘Euro 2024’, përcjell albinfo.ch.

Në fakt, kjo është ndeshja e katërt e Kosovës në ‘Fadil Vokrri’, por që nuk e ka shijuar ende fitoren pasi ka vetëm tre barazime.

Nga ana tjetër, mysafirët janë ende në garë për kualifikim dhe kërkojnë fitore për t’i shtuar edhe më shumë gjasat për një gjë të tillë.

Kosova pas shtatë ndeshjeve ka shtatë pikë, me një fitore, katër barazime dhe dy humbje, ndërsa Izraeli numëron 11 pikë pas gjashtë ndeshjeve, tri fitore, dy barazime dhe një humbje. Takimi në Izrael kishte përfunduar 1:1.

Ndeshja zhvillohet nga ora 20:45 në Prishtinë.

 

---