Kosovë: NjSi proteston sërish nesër, kërkesat mbeten të njëjta

Ramush Haradinaj, FB

Njësia Speciale Intervenuese gjatë ditës së nesërme, pritet të protestojë para objektit të Qeverisë së Kosovës, me kërkesat e njëjta me ato të 1 nëntorit që lidhen me shtesat e rrezikshmërisë dhe të tjera. Protesta pritet të zhvillohet nga ora 12:00 deri në 12:30, sipas Klan Kosovës.

Ndër të tjera, raportohet se gatishmëri për t’iu bashkëngjitur protestës kanë shprehur edhe njësi të tjera policore të specializuara e kufitare, por për shkak të mungesës së autorizimit nuk mund të protestojnë, përcjell albinfo.ch.

Megjithatë, ata i kanë dhënë mbështetje njësisë elitare të policisë së Kosovës lidhur me kërkesat e tyre, dhe të njëjtën e konsiderojnë jetike për sigurinë e Kosovës sidomos në operacionet që ndërlidhen me veriun.