Nga janari nuk mund të zhdoganohen veturat më të vjetra se dhjetë vjet

Dogana e Kosoves, FB

Nga janari i vitit të ardhshëm nuk do të mund të zhdoganohen veturat që janë më të vjetra dhe dhjetë vjet.

“Nga 1 janar 2024 nuk mund të zhdoganohen vetura më të vjetra se viti 2014”, ka njoftuar Dogana e Kosovës.

Qeveria e Kosovës në vitin 2017 ka miratuar një ligj, i cili thotë se “mjetet rrugore që importohen në Kosovë nuk mund të jenë më të vjetra se 10 vjet”, kjo për shkak se këto vetura konsiderohen si ndotës të ambientit.

Qytetarët janë pro ndryshimit të ligjit aktual dhe thonë se përveç ruajtjes së ambientit, veturat e viteve 2000 janë më të sigurta se sa ato të viteve të mëhershme.

Kurse, ekspertë të mjedisit dhe komunikacionit e konsiderojnë si të dëmshëm dhe me efekte negative heqjen e kufizimit për importin e veturave më të vjetra se 10 vjet, shkruan Kosovapress.