Të paktën 4.4 milionë njerëz janë pa shtetësi

(KEYSTONE/Martial Trezzini)

Raporti vjetor i UNHCR-së tha se njerëzit pa shtetësi, që shpesh u përkasin grupeve minoritare, privohen nga të drejtat e njeriut dhe aksesi në shërbimet bazë.

Të paktën 4.4 milionë njerëz në 95 vende janë pa shtetësi ose me kombësi të pacaktuar, tha Komisioneri i Lartë i Kombeve të Bashkuara për Refugjatët, shkruan DW.

Në raportin e saj vjetor që shënon 9-vjetorin e fushatës së saj #IBelong, UNHCR tha se shifra aktuale globalisht besohet të jetë dukshëm më e lartë, “duke pasur parasysh padukshmërinë relative të njerëzve pa shtetësi në ushtrimet statistikore kombëtare”.

Agjencia vuri në dukje se njerëzit pa shtetësi, që shpesh u përkasin grupeve minoritare, privohen të drejtat e njeriut dhe aksesi në shërbimet bazë. Kjo i lë ata “të margjinalizuar politikisht dhe ekonomikisht dhe të pambrojtur ndaj diskriminimit, shfrytëzimit dhe abuzimit”, përcjell albinfo.ch.

“Me rritjen e zhvendosjes së detyruar globale, miliona po mbeten në margjina, të privuar nga të drejtat e tyre themelore të njeriut, duke përfshirë pjesëmarrjen dhe kontributin në shoqëri”, tha Komisioneri i Lartë i OKB-së për Refugjatët, Filippo Grandi. “Ky përjashtim është i padrejtë dhe duhet të adresohet.”

Në total, 97 vende janë tani palë në Konventën e 1954-ës në lidhje me Statusin e Personave pa Shtetësi dhe 79 janë palë në Konventën e 1961 për Reduktimin e Pashtetësisë, përcjell albinfo.ch.