Kancelari gjerman Scholz evakuohet nga aeroporti në Tel Aviv

(KEYSTONE/DPA/Kay Nietfeld)

Mësohet se delegacioni i kancelarit gjerman, Olaf Scholz, ishte i detyruar të largohej papritur nga avioni të martën në mbrëmje para se të nisej nga Tel Avivi në Kajro për shkak të një alarmi për sulme me raketa nga Hamasi, përcjell albinfo.ch.

Pasagjerëve iu kërkua të shtriheshin në tokë në aeroport, kurse kancelari braktisi avionin dhe u evakua me shpejtësi nga autoritetet izraelite.

Dy raketa të Hamasit që synonin aeroportin u neutralizuan mbi pistë nga sistemi mbrojtës i Izraelit. Pas disa minutash, pasagjerët arritën të hipnin sërish në avion.

Olaf Scholz është kryeministri i parë që vizitoi Izraelin pas shpërthimit të konfliktit mes Izraelit dhe Hamas-it palestinez.