Lutja për ushtrim të pandikuar të së drejtës së votës

Zgjedhjet federale do të mbahen më 22 tetor 2023. Elektorati zviceran do të zgjedhë një parlament të ri për katër vitet e ardhshme. Kjo do të thotë se të drejtë vote kanë edhe shumë lexues të kësaj gazete, përkatësisht shtetas zviceranë nga diaspora me prejardhje shqiptare. Lufta për këto vota ka shpërthyer prej kohësh mes partive.

Hapja ndaj SVP

Sipas raportimeve të mediave, kryeministri i Kosovës, Albin Kurti, së fundmi është paraqitur në një eveniment zgjedhor të PS-së në Cyrih, duke i dhënë kësaj partie një farë ndihme elektorale. Politikisht, SVP është në një spektër krejtësisht të ndryshëm. Ky artikull përpiqet të tregojë se kandidatët nga SVP mund të jenë përfaqësues të mirë për interesa të shumta të popullsisë me origjinë shqiptare në këtë vend, për shembull këshilltari kantonal i SVP dhe kandidati i Këshillit Kombëtar Rémy Wyssmann nga kantoni i Solothurnit. Ju mund të habiteni që një deklaratë e tillë botohet pikërisht në këtë gazetë. Në fund të fundit, shumë njerëz me origjinë shqiptare në Zvicër nuk mund të fillojnë shumë me SVP-në. Ajo që do të ishte e dëshirueshme do të ishte hapja e ndërsjellë me më pak stigmatizim, të cilit ky artikull përpiqet të kontribuojë.

Luftëtar i pavarur i vendosur

Shumëkush tani mund të pyesë veten, pse një person me origjinë shqiptare duhet të mbështesë SVP-në? Sipas këndvështrimit të shprehur këtu, SVP përfaqëson vlera dhe pozicione të shumta që janë të rëndësishme edhe për popullsinë me origjinë shqiptare. Dhe po, pranohet hapur se ka njerëz (të ndryshëm) në SVP që janë të pazgjedhshëm. Nga ana tjetër, ka edhe njerëz jashtëzakonisht të mirë në SVP. Këtu bënë pjesë gjithësesi Rémy Wyssmann nga Kantoni Solothurn. Kandidati i Këshillit Kombëtar të Solothurnit, Rémy Wyssmann është veçanërisht i njohur për angazhimin e tij kokëfortë për të ulur barrën e taksave mbi shtresën e mesme dhe në këtë mënyrë mbi popullatën që punon fort, e cila përfshin shumicën dërrmuese të njerëzve me origjinë shqiptare në këtë vend. I njohur gjithashtu është bërë Rémy Wyssmann duke kërkuar transparencë në pagat e punonjësve të shtetit si dhe me kërkesën për publikimin e kontratatve për vaksinat kundër Covid-19. Si avokat dhe ekspert i sigurimeve shoqërore, ai lufton vazhdimisht kundër kompanive mbizotëruese/shumë të fuqishme të sigurimit dhe angazhohet, për shembull, për ekspertiza fer dhe të pavarura të sigurimit për aftësi të kufizuara. Një temë që ndryshe nuk është në plan të parë të SVP-së.

Konkluzioni

Nga pikëpamja e politikës demokratike, është e rëndësishme që popullata me origjinë shqiptare që ka të drejtë të votojë të marrë pjesë në zgjedhje. Albin Kurti me sa duket ka ofruar ndihmë elektorale për një parti të vetme. Megjithatë, kërkesa (es wird plädiert) këtu është që popullsia me origjinë shqiptare të mos ndikohet. Mes kandidatëve të SVP-së ka shumë njerëz që do të përfaqësonin në mënyrë të shkëlqyer interesat e popullsisë me origjinë shqiptarëve në parlament. Rémy Wyssmann është sigurisht shembulli klasik i kësaj. Në fund të fundit, është e rëndësishme të shikojmë në mënyrë të paanshme se kush po kandidon në zgjedhje dhe çfarë përfaqëson ai person në të vërtetë. Nuk duhet të mashtroheni nga premtimet elektorale apo ndihmat elektorale, por shikoni se çfarë kanë arritur në mënyrë efektive kandidatët përkatës.

David Sassan Müller

(David Sassan Müller, me banim në kantonin e Solothurnit, është avokat dhe anëtar i SVP-së së kantonit Solothurn.)

/Shkrim i sponzorizuar elektoral/