Szunyog për sanksionet kundër Serbisë: Duhet konsensus i shteteve anëtare të BE-së

Shefi i zyrës së Bashkimit Evropian në Kosovë, Tomas Szunyog, ka thënë se sa u përket masave kundër Serbisë pas sulmit të 24 shtatorit kundër Policisë së Kosovës, duhet arritur konsensus me 27 shtetet anëtare të BE-së.

Szunyog deklaroi se kur Bashkimi Evropian kishte vendosur masat kundër Kosovës, është arritur konsensusi me të gjitha shtetet anëtare të BE-së.

Ndër të tjera, ai për Kallxo ka thënë se u duhet të shohin provat për sulmin në Banjskë.

“Përsëri, masat mund të vendosen nga shtetet anëtare dhe ne kemi nevojë për të arritur një konsensus nga të gjitha 27 shtetet anëtare të BE-së”, ka thënë ai, përcjell albinfo.ch.