200 trupat e KFOR-it britanik arrijnë në Kosovë

NATO @NATO, X

NATO ka njoftuar se 200 trupat britanike kanë mbërritur të premten në Kosovë për ta përforcuar misionin paqeruajtës të Aleancës, KFOR.

Sipas njoftimit, kontingjenti i zbarkuar në Kosovë është një hap i kujdesshëm që të sigurohet se KFOR-i po e kryen mandatin e tij ashtu siç parashihet.

“Kontingjenti i parë prej 200 ushtarësh britanikë mbërriti në Kosovë për t’u përforcuar Misioni paqeruajtës i NATO-s në Kosovë. Një hap i kujdesshëm për të siguruar se KFOR-i ka forcat që i nevojiten për të përmbushur mandatin e OKB-së për të ruajtur një mjedis të sigurt dhe lirinë e lëvizjes për të gjithë njerëzit”, thuhet në njoftim, përcjell albinfo.ch.