Lajme
Cyrih: Debat mbi shpëtimin e hebrenjve në Shqipëri
Organizata e Studentëve dhe Alumni-ve Shqiptarë nga Berlini ka zhvilluar një projekt me këtë temë, i cili do të prezantohet para audiencës zvicerane
Shpëtimi i familjeve hebreje nga familjet shqiptare gjatë Luftës së Dytë Botërore është një histori unike. Organizata e Studentëve dhe Alumni-ve Shqiptarë, me seli në Berlin, ka zhvilluar një projekt me këtë temë, i cili do të prezantohet para audiencës zvicerane të enjten, më 5 tetor 2023, nga ora 18:30 në Hotel Spirgarten.
Në një kohë kur qëndrimet antisemite dhe çnjerëzore janë ende të pranishme në Zvicër dhe Evropë, përcjellja e këtyre historive të rezistencës dhe guximit civil është më e rëndësishme se kurrë, thuhet në njoftimin e organizatorit, shkruan albinfo.ch.
Njerëzit me origjinë shqiptare që jetojnë në Zvicër duan të lënë gjurmë në luftën kundër antisemitizmit dhe mizantropisë. Nëpërmjet këtyre biografive frymëzuese nga vendet shqipfolëse, ne dëshirojmë të përfshijmë histori shprese dhe ndjeshmërie si pjesë e edukimit historiko-politik”, thuhet në njoftimin e organizatorit.
Pas prezantimit të projektit, nga Blerta Lazebeu dhe Ilira Alilaj do të diskutohet për bashkëjetesën e komunitetit hebre dhe shqiptar në Zvicër. Punimin “Sfondi historik i shpëtimit të hebrenjve në Shqipëri” do ta lexojë Bernd Borchardt, ish-ambasador i Gjermanisë në Shqipëri.
Debatin do ta moderojë gazetari i njohur, Enver Robelli, redaktor në gazetën Tages Anzeiger. Në debat marrin pjesë Sonia Rueff-Frenkel, këshilltare kantonale, Përparim Avdili, asamblist i Cyrihut dhe Eva Pruschy, docente për religjion dhe etikë, në Universiteton e Cyrihut.
Info rreth ngjarjes
- Data e fillimit05 Tetor 2023
- Ora18:30
- LokacioniHotel Spirgarten
- Data e përfundimit5 Tetor 2023 - 20:00
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?