Flamuri i SHBA-së ulet në gjysmështizë

Foto FB: U.S. Embassy Pristina, Kosovo

Ambasada e Shteteve të Bashkuara të Amerikës në Kosovë ka ulur flamurin në gjysmështizë, pasi presidentja Vjosa Osmani ka shpallur ditë zie, në nderim të rreshterit të Policisë së Kosovës, Afrim Bunjaku, i cili u vra në sulmin e djeshëm në veri.

Në njoftimin nga ambasada përmes rrjetit social “Facebook” thuhet se u bashkohen institucioneve të Kosovës në zi për humbjen e këtij zyrtari policor, përcjell albinfo.ch.

“Presidentja Vjosa Osmani ka shpallur sot, më 25 shtator, Ditë Zie Kombëtare në Republikën e Kosovës. U bashkohemi institucioneve të Kosovës në zi për humbjen e rreshterit të Policisë së Kosovës Afrim Bunjaku. Sot, flamuri ynë në Ambasadën Amerikane është ulur në gjysmështizë për nder të tij”, thuhet në njoftim.