Kosova
Konjufca, krah Kurtit në kritikat për Lajçakun

Kryetari i Kuvendit të Kosovës, Glauk Konjufca, ka mbështetur qëndrimet e Kryeministrit të Kosovës, Albin Kurti, sa i përket ndërmjetësit të dialogut, Miroslav Lajçak.
Gjatë së mërkurës ai u shpreh se nuk ishin akuza, por konstatime për punën e Lajçakut.
“Së pari, nuk mendoj që ato ishin akuza, ishin disa konstatime rreth mënyrës së punës së Lajçakut. Është vërejtur, thënë të drejtën, qysh në fillim që Lajçak qëndrimet të cilat i artikulon më shumë janë, le të themi, marrje e pozicionit të Serbisë fillimisht, e pasatja përpjekje që përmes mekanizmave të ndryshëm edhe formulimeve që ai i qetë në zgjidhjet që i propozon të mund të jetë pikënisje e pozicionit të Serbisë, që të mund ta akomodojë në mënyrë sa më të përshtatshme pozicionimin e Serbisë”, u shpreh Konjufca, përcjell albinfo.ch.
Tutje shton se ndërmjetësi ka devijuar nga ideja origjinale për normalizim të marrëdhënieve.
“Zgjerimi i ombrellës është që aty të jetë njohja dhe Asociacioni. Tash Lajçak po thotë që aty është vetëm Asociacioni. Njohja i përket Serbisë kur do ajo, do të thotë, ky është pozicion i Serbisë. Nëse Lajçak e artikulon atë, thotë që ky është pozicion i Serbisë. Nëse Lajçak e artikulon këtë dhe thotë që ky është pozicion i BE-së, atëherë ne mund të themi që Lajçak paska kontribuar që ky pozicion zyrtar i BE-së të jetë kjo që e përfaqëson Serbia. Mua nuk më duket kjo e drejtpeshuar fare. Është devijim prej idesë origjinale. Ideja origjinale është nuk ka Asociacion pa njohje. Nuk mund të marrësh Asociacion dhe të heqësh dorë prej idesë së njohjes. Quajeni si dush, njohje de-facto, është njohje e shtetësisë së Kosovës. Serbia duhet të pajtohet që kur e kalon kufirin në Merdar, është një shtet tjetër që ekziston. Duhet të na njohë flamurin, duhet të na njohë simbolet, nuk duhet që të na pengojë kur aplikojmë në organizata ndërkombëtare”, tha tutje kryeparlamentari, përcjell albinfo.ch.
E-Diaspora
-
Volketswil: Të dielën zhvillohet turneu i shkollave shqipe në futboll Lidhja e Arsimtarëve dhe Prindërve Shqiptarë “Naim Frashëri” në Zvicër ka njoftuar se të dielën, me...
-
Lea Ypi hap festivalin e Vjenës, kërkon të drejtë vote për migrantët
-
Kosovari mohon akuzën për tejkalim shpejtësie: “Ka qenë vëllai im binjak”
-
Votat e Diasporës, mbeten edhe 49,448 zarfe të panumëruara
-
Hapet klasa e gjuhës shqipe në Oberriet të Kantonit të St. Gallenit
Jeta në Austri
-
Austria do të organizojë Eurovision 2026 pas fitores, por a do ta përballojë financiarisht? JJ, talenti i ri austriak, mahniti jurinë dhe audiencën në Festivalin e Këngës në Eurovision që...
-
630,000 austriakë nuk dinë të notojnë
-
Tarifat austriake të strehimit: Cilat janë rregullat kur menaxherët e pronave rrisin kostot?
-
Rritet ndjeshëm numri i britanikëve që marrin shtetësi austriake
-
Austria dhe Gjermania bashkë në masa të reja për migracionin