Kosova

Kosova do t’i organizojë Lojërat Mesdhetare 2030

E premte, 8 Shtator 2023 - 17:40 albinfo.ch
FB: Kosovo Olympic Committee

Kosova do t’i organizojë Lojërat Mesdhetare në vitin 2030, ka vendosur sot Asambleja e Përgjithshme e Komitetit Ndërkombëtar të Lojërave Mesdhetare që është mbajtur në Heraklion të Greqisë.

Lajmi është konfirmuar nga Komiteti Olimpik i Kosovës, përcjell albinfo.ch.

Në Asamblenë e Përgjithshme të Komitetit Ndërkombëtar të Lojërave Mesdhetare, kandidatura e Kosovës ka marrë 58 vota pro, që përkthehet në shumicën dërmuese të votave të të pranishmëve, teksa shtatë ishin kundër.

Ky vendim konsiderohet si arritje historike për Kosovën, duke ditur se në këtë kompeticion marrin pjesë 26 shtete nga tri kontinente, e të cilat do të vijnë në Kosovë në verën e vitit 2030.

 Të tjera nga Kosova

Lushtaku lirohet në procedurë të rregullt

 E-Diaspora

 Jeta në Austri