Lajme
Arbër Bullakaj nis fushatën për zgjedhjet federale të 22 tetorit
"Sot ne filluam fushatën për Dhomën e Kantoneve. Eshtë fushatë e hapur dhe progresive, pa kompromise. Jemi konsekuentë për barazi, mundësi të barabarta..."
Më 22 tetor mbahen zgjedhjet parlamentare të Zvicrës, në të cilat marrin pjesë edhe një numër politikanësh me rrënjë shqiptare, shkruan albinfo.ch. Ndër ta është edhe aktivisti tahsmë i njohur politik Arbër Bullakaj, nga Kantoni St. Gallen, i cili garon për një vend në Dhomën e Kantoneve (Senatin ose dhomën e vogël) të Parlamentit.
Bullakaj, kishte marrë pjesë edhe në zgjedhjet për legjislaturën e kaluar, (për Dhomën Nacionale) katër vite më parë. Ai nuk kishte arritur të zgjidhej por megjithatë kishte dalë i pari në listën e pritjes, që ishte suksesi më i madh i një kandidati me prejardhje shqiptare.
Sot, më 2 shtator Arbri ka filluar fushatën zyrtare zgjedhore. Me këtë rast ai ka bërë një postim në faqen e tij të FB-së ku prezanton këtë akt.
“Sot ne filluam fushatën tonë për Dhomën e Kantoneve. Eshtë fushatë e hapur dhe progresive, pa kompromise. Jemi konsekuentë për barazi, mundësi të barabarta, të drejta civile, të drejta të njeriut dhe për një ekonomi për të gjithë”, shkruan ai, duke prezantuar edhe posterin zgjedhor.
Po ashtu sot, Bullakaj, tani në cilësinë e aktivistit dhe bartësit të iniciativës “Aktionvierviertel” prezanton një aktivitet me elemente festive dhe debat që mbahet sonte në lavanderinë qendrore në Cyrih, shkruan albinfo.ch. Kjo iniciativë në nivel federal kërkon lehtësim të natyralizimit të të huajve dhe që atyre tu mundësohet pjesëmarrje më e lehtë në jetën politike të Zvicrës
Eventi përfshin një panel të klasit të lartë me politikanë dhe aktivistë si: Paul Rechsteiner, Mirjam Eser Davolio, Merita Shabani (@babanews.ch), dhe moderhet nga @kasparsurber dhe muzikë fantastike @batbaitband, @oddbeholder.
Arbër Bullakaj është i lindur në vitin 1986, në Prizren. Në Zvicër, gjegjësisht në Wil (SG) jeton nga mosha 8 vjeçare. Krahas politikës ai merret edhe me ndërmarrësi.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri