Von Cramon: Liberalizimi i vizave nuk duhet të lidhet me dialogun

Raportuesja për Kosovën në Parlamentin Evropian, Viola Von Cramon, ka thënë sot se liberalizimi i vizave për Kosovën nuk duhet të lidhet me dialogun me Serbinë.

Përmes një postimi në Twitter, Von Cramon ka shkruar se qytetarët e Kosovës e meritojnë liberalizimin e vizave dhe se Bashkimi Evropian duhet ta mbajë premtimin.

“Ne duam të jemi të qartë – udhëtimi pa viza nuk është dhe nuk duhet të lidhet me Dialogun me Serbinë. Bashkimi Evropian duhet të mbajë premtimin e saj duke lejuar qytetarët e Kosovës të udhëtojnë lirshëm që nga 1 janari 2024”, ka shkruar ajo.

Reagimi i saj vjen pas deklaratës së presidentit francez, Emmanuel Macron, i cili ka paralajmëruar masa nëse të dyja vendet “nuk sillen me përgjegjësi”, përcjell albinfo.ch.

Parlamenti Evropian para disa muajsh ka njoftuar se qytetarët e Kosovës do të udhëtojnë pa viza nga 1 janari 2024.

#Kosovo 🇽🇰 citizens deserve the long overdue visa liberalisation.

We want to be crystal clear – visa free travel is not and should not be linked to the Dialogue with Serbia.#EU 🇪🇺 has to keep its promise allowing the citizens of Kosovo to travel freely as of 1 January 2024. pic.twitter.com/Y5zv7Jrauw

— Viola von Cramon 🇺🇦🇪🇺 (@ViolavonCramon) September 1, 2023