Kosova

Stuart Peach: Vazhdimi i dialogut Kosovë – Serbi, çështje urgjente

E enjte, 31 Gusht 2023 - 17:00 albinfo.ch
Air Chief Marshal Sir Stuart Peach KCB CBE ADC is to be appointed Vice Chief of the Defence Staff, in succession to General Sir Nicholas Houghton GCB CBE ADC in May 2013.

I dërguari i Britanisë së Madhe për Ballkanin Perëndimor, Stuart Peach, ka deklaruar se përkrah rrugën drejt normalizimit të raporteve mes Kosovës dhe Serbisë, ndërsa u shpreh se Britania është në bisedë të vazhdueshme me të dyja palët në lidhje me dialogun.

“Mbështesim fuqishëm rrugën e normalizimit të marrëdhënieve. Në këtë moment ne vazhdojmë të mbështesim thirrjet e Bashkimit Evropian për depërshkallëzim. Këtë e kam bërë vetë gjatë vizitave të mia dhe e theksoj edhe një herë se sa urgjente është të vazhdojmë me dialogun. Në historinë tonë dhe në përvojën time gati gjysmëshekullore në ushtri, është gjithmonë mirë të flasësh”, tha ai për N1.

Ndër të tjera, ai ka bërë thirrje për mbajtje të zgjedhjeve në katër komunat në veri të Kosovës, përcjell albinfo.ch.

“U bëjmë thirrje të dyja palëve që të depërshkallëzojnë situatën, të kthehen serbët e Kosovës në institucione që të ketë ekuilibër dhe drejtësi në polici. Të kthehen sa më shpejt në aktivitetin normal të policisë dhe të mundësohet që demokracia të zërë rrënjë realisht në nivel lokal, me çka nënkuptoj zgjedhjet lokale. Ne presim përgjigjen më të madhe të mundshme dhe që të gjitha partitë të marrin pjesë në ato zgjedhje lokale”, u shpreh ai.

 

 Të tjera nga Kosova

Identifikohet Idriz Rrecaj, njëri nga 23 viktimat, pjesë e Grupit të Intelektualëve

 E-Diaspora

 Jeta në Austri