Osmani thirrje ndërkombëtarëve për presion ndaj Serbisë “që fle” mbi varreza masive

Vjosa Osmani

Presidentja e Kosovës, Vjosa Osmani, u ka bërë thirrje ndërkombëtarëve të shtojnë presionin ndaj Serbisë për zbardhjen e fatit të të zhdukurve me dhunë gjatë luftës në Kosovë.

Ajo tutje tha se Serbia duhet të hapë arkivat.

“I bëj thirrje gjithë komunitetit ndërkombëtar, të gjithë aleatëve të Kosovës, do të thosha të gjithë aleatëve të të drejtave të njeriut, që të mendojnë pak për nënat, për motrat, për vëllezërit, për prindërit, për familjarët e atyre fëmijëve që ende janë në varrezat masive, në të cilat po fle Serbia edhe 25 vjet pas luftës”, është shprehur Osmani, pasi ka bërë homazhe te Memoriali për të Pagjeturit në Prishtinë, me rastin e Ditës Ndërkombëtare të të Zhdukurve, përcjell albinfo.ch.