Lajme

Siguria ushqimore globale në rrezik, India kufizime të reja për eksportin e orizit

E diel, 27 Gusht 2023 - 23:20 albinfo.ch
@Pixabay

Eksportuesi më i madh i orizit në botë, India, ka vendosur më shumë kufizime për dërgesat e grurit, në një lëvizje që do të rëndojë edhe më shumë kushtet e furnizimit global ushqimor.

Qeveria e vendit do të vendosë një çmim tavan prej 1200 dollarësh për ton mbi eksportin e orizit të basmatit, lëvizje që synon të pengojë tregtarët që nxirrnin jashtë vendit në mënyrë kontrabandë oriz të bardhë, i ndaluar për t’u eksportuar, duke e kamufluar atë si oriz basmati, raportojnë mediat indiane, përcjell albinfo.ch.

Lëvizja e radhës vjen pasi India vendosi më herët një taksë prej 20% mbi eksportet e disa llojeve të orizit. India, që mban 40% të peshës së gjithë orizit të eksportuar në botë, tani ka vendosur kufizime në eksportin e pothuajse gjithë llojeve të grurit.

Muajin e kaluar, çmimet e orizit arritën kulmin më të lartë në 15 vite teksa pritet të rriten sërish. Qeveria po përpiqet të kontrollojë inflacioni ushqimor brenda vendit përpara zgjedhjeve që pritet të zhvillohen vitin e ardhshëm.

Vendi ka ndaluar eksportin e orizit të bardhë, ka kufizuar dërgesat e miellit dhe sheqerit dhe ka filluar të grumbullojë rezerva për disa ushqime teksa qeveria indiane gjithashtu po shqyrton mënyra të tjera për të shtuar ofertën e produkteve ushqimore në treg, në mënyrë që të ulë çmimet e ushqimeve për qytetarët.

 Të tjera nga Lajme

Maqedoni: Rritja e çmimit të energjisë mund të ndikojë në çmimet e produkteve

 E-Diaspora

 Jeta në Austri