388 të zhdukur nga zjarret, sipas listës së autoriteteve të Havait

(KEYSTONE/Gaetan Bally)

Nga zjarret në Maui të Havait kanë mbetur të zhdukur qindra persona.

Lista e publikuar nga autoritetet konsiston në 388 persona, megjithatë vendndodhja e disa prej tyre u bë e ditur nga të afërmit e tyre.

Tre persona në listë i thanë agjencisë së lajmeve Associated Press se janë gjallë, mirë dhe nuk e kanë të qartë se si emrat e tyre përfunduan në këtë listë.

Të paktën dy të tjerë ishin në mesin e viktimave të zjarrit, njerëz që dihet se kanë humbur jetën, por ende nuk janë konfirmuar si të vdekur në raportin zyrtar, shkruan Zëri i Amerikës.

Deri më tani 115 njerëz janë konfirmuar se kanë humbur jetën si pasojë e zjarrit në Maui

388 emrat përfaqësonin një pjesë të një liste më të gjerë prej 1100 personash të raportuar si të zhdukur, që FBI-ja tha në fillim të kësaj jave se po punonte për ta verifikuar. Qarku i Mauit tha se lista e sapopublikuar përfshinte ata për të cilët kishte emrat dhe mbiemrat, si dhe informacionin e verifikuar të kontaktit për një person që i raportoi ata të zhdukur, përcjell albinfo.ch.

Zyrtarët bënë thirrje që njerëzit t’i kontaktojnë ata nëse njohin dikë në listë.