Kosova

Kryeministri i Kosovës: Figura e Nënë Terezës frymëzon miliona njerëz në mbarë botën

E shtunë, 26 Gusht 2023 - 19:40 albinfo.ch

Kryeministri i Kosovës, Albin Kurti, ka marrë sot pjesë në hapjen solemne të edicionit të tretë të manifestimit tradicional kulturor – shkencor “Drita e Gonxhes”, ku ka bërë homazhe te shtatorja e Nënë Terezës, në sheshin “Nënë Tereza” në Prishtinë.

“26 gushti i sivjetëm na ka bashkuar sot në qendër të Prishtinës dhe na ka mbledhur këtu në sheshin Nënë Tereza, për më tepër pranë shtatores së Nënë Terezës, për të hapur aktivitetet në Kosovë të manifestimit kulturor dhe shkencor ‘Drita e Gonxhes’”, filloi ai, shkruan albinfo.ch.

Pasi foli për biografinë dhe rrugëtimin e saj, kryeministri Kurti tha se Anjeze Gonxhe Bojaxhiu vdiq në moshën 87-vjeçare, por figura e Nënë Terezës si Tereza e Kalkutës dhe si Shën Tereza vazhdon të frymëzojë miliona njerëz në mbarë botën, teksa fjalët e saj tashmë janë kthyer në postulate të sjelljes së shpirtrave njerëzore mes tyre.

Ndër të tjera, Kurti tha se shpreson që “Drita e Gonxhes” të përhapë dritë nga shembulli që Nënë Tereza dha me jetën e saj për njerëzoren e secilit ndër ne.

 Të tjera nga Kosova

Diaspora nis peticionin për mbledhjen e nënshkrimeve për zgjedhjen e Murat Jasharit president

 E-Diaspora

 Jeta në Austri