Mitrovica e Veriut anëtarësohet në Asociacionin e Komunave të Kosovës

Mitrovica e Veriut është anëtarësuar në Asociacionin e Komunave të Kosovës (AKK) këtë të martë pas një mbledhjeje të jashtëzakonshme të Kuvendit të AKK-së.

Sipas njoftimit të AKK-së, Mitrovica e Veriut është anëtarësuar pas votimit të të gjithë delegatëve të Kuvendit dhe kërkesës së Komunës së Mitrovicës së Veriut e cila ka marrë vendim në Kuvendin e Komunës për t’u anëtarësuar në Asociacion, përcjell albinfo.ch.

Në njoftim nga 38 Komuna sa ka Kosova, 34 prej tyre janë anëtare në Asociacionin e Komunave të Kosovës.

“Pas anëtarësimit, Kryetari i Komunës së Mitrovicës së Veriut, Erden Atiq në fjalën e tij tha së është i lumtur për këtë anëtarësim, për çka falënderoi delegatët e Kuvendit të Asociacionit dhe tha se do të japin kontributin e tyre në sfidat dhe adresimet e qeverisjes lokale në nivel vendi”, thuhet në njoftimin e AKK-së, përcjell albinfo.ch.