Bastisje në Ministrinë e Tregtisë për dyshimet e mashtrimeve me rezerva shtetërore

Që nga mëngjesi i së premtes, Policia e Kosovës është duke zhvilluar aksione për dyshime të keqpërdorimit me rezervat shtetërore.

Bastisjet janë duke u kryer në Ministrinë e Industrisë, Ndërmarrësisë dhe Tregtisë, ku mësohet se janë arrestuar dy zyrtarë të kësaj ministrie.

Bastisje po kryhen edhe në banesën dhe lokalin e një biznesmeni që dyshohet se është i përfshirë në këtë rast.

Raportohet se aksioni po kryhet për “Aferën Vaji”, ku MINT ka blerë vaj dhe ka kryer pagesën pa e pranuar mallin, përcjell albinfo.ch.