Dëshmitarja serbe dëshmon në seancë publike ndaj Thaçit dhe të tjerëve

Gjykata Speciale

Në Gjykatën Speciale në Hagë po vazhdon dëshmia e dëshmitarëve në rastin e ish-krerëve të Ushtrisë Çlirimtare të Kosovës.

Këtë të enjte ka nisur dëshminë e saj Dragica Bozhaniq. Ajo po dëshmon pa masa mbrojtëse në seancë publike, përcjell albinfo.ch.

Ajo do të dëshmojë për ngjarjet në zonën e Rahovecit.

Këtë dëshmi, Hashim Thaçi dhe Jakup Krasniqi po e përcjellin përmes video lidhjes nga qendra e paraburgimit, ndërsa Kadri Veseli dhe Rexhep Selimi janë të pranishëm në sallën e gjyqit.

Në këtë proces gjyqësor deri tani janë dëgjuar gjashtëmbëdhjetë dëshmitarë të ZPS-së, vetëm dy prej tyre pa masa mbrojtëse dhe në seanca të hapura për publikun, përcjell albinfo.ch.