Vdes 17-vjeçari i aksidentuar te rrethrrotullimi në Prishtinë

pixabay

Një 17-vjeçar ka vdekur si pasojë e plagëve që mori në aksidentin te rrethrrotullimi në Prishtinë, pasi vetura ra poshtë urës.

Lajmin për Klankosova.tv e ka konfirmuar Shaqir Uka, shef i repartit të Mjekimit Intensiv.

“Tek ne ka qenë një 17-vjeçar. Fatkeqësisht nuk ka mundur t’u bëjë ballë pasojave të lëndimeve. I njëjti ka ndërruar jetë rreth orës 22:00”, tha Uka, përcjell albinfo.ch.

Rreth orës 03:00 të mëngjesit të së hënës ndodhi një aksident i rëndë.

Vetura e aksidentuar ra poshtë urës, me ç’rast tre persona u lënduan, e njëri nga ta rëndë.