Pirja e duhanit shënon ulje në nivel global

EPA/CHRISTIAN BRUNA

Organizata Botërore e Shëndetësisë ka deklaruar se reklamat kundër efekteve të dëmshme të pirjes së duhanit dhe çmimet më të larta të cigareve kanë ndikuar në frenimin e njerëzve nga ky zakon.

Përpjekjet për të kufizuar përdorimin e duhanit në nivel global kanë treguar rezultate dhe normat e pirjes së duhanit kanë rënë, përcjell albinfo.ch.

OBSH publikoi një raport mbi masat e kontrollit të duhanit të prezantuara 15 vjet më parë.

Ai tha se 5.6 miliardë njerëz tani jetojnë në vende që kanë zbatuar të paktën një nga masat e rekomanduara për të reduktuar përdorimin e duhanit.

Kjo çoi në një rënie të pirjes së duhanit, pa të cilin “do të kishte rreth 300 milionë duhanpirës më shumë në botë sot”, shkruan DW.

Shkalla botërore të pirjes së duhanit kishte rënë nga 22.8% në 2007, në 17% në 2021.

“Ngadalë por me siguri, gjithnjë e më shumë njerëz po mbrohen nga dëmet e duhanit”, tha Drejtori i Përgjithshëm i OBSH-së, Tedros Adhanom Ghebreyesus.

Disa masa që rekomandon agjencia përfshijnë reklamimin kundër efekteve të dëmshme të pirjes së duhanit, paralajmërimet shëndetësore në pako dhe rritjen e taksave.

OBSH tha se 44 vende, që përfaqësojnë 2.3 miliardë njerëz, nuk kishin masa kundër duhanit, shkruan DW.

Raporti ngriti gjithashtu shqetësime për rritjen e cigareve elektronike, duke thënë se kishte 74 vende pa rregullore për produktet e avullimit. Nuk ka moshë minimale për të blerë cigare elektronike as në pothuajse gjysmën e vendeve të botës, përcjell albinfo.ch.