Lista Serbe merr mesazh të qartë nga SHBA

Igor Simiq, ish-deputet i Kuvendit te Kosoves

Në një intervistë për Zërin e Amerikës, ish-deputeti i Kuvendit të Kosovës dhe përfaqësuesi i Listës Serbe, Igor Simiq ka thënë që zyrtarët e Listës Serbe thonë se kanë marrë mesazh të qartë nga Ëashingtoni zyrtar, por nuk ka treguar detajet.

Ndërkohë kushtet e Listës Serbe për zgjedhje janë reduktuar në një, në atë që ka pranuar Qeveria ta bëjë, tërheqjen e njësive speciale të policisë nga ndërtesat komunale.

“Në një atmosferë frike për mbijetesën dhe sigurinë e popullit serb, është e pamundur të zhvillohet një fushatë normale. Është e nevojshme që ato njësi të posaçme të tërhiqen, kjo është kërkesa e serbëve, kërkesa e Bashkimit Evropian dhe kërkesa e SHBA-së”, ka thënë Simiq, përcjell albinfo.ch.

Simiq nuk ka treguar nëse Lista Serbe do të marrë pjesë në zgjedhjet që pritet të mbahen në veri të Kosovës.

“Pa u plotësuar kushtet që na kanë vënë qytetarët, nuk mund ta diskutojmë mundësinë e zgjedhjeve”, deklaroi ai për Zërin e Amerikës.

Simiq i pyetur për dhunën më 19 maj ku mbetën 49 pjesëtarë të KFOR-it të lënduar tha: “I keni harruar edhe 53 serbë të lënduar”, përcjell albinfo.ch.