Protestohet kundër mbylljes së Klan Kosovës

Asociacioni i Gazetareve te Kosoves

Asociacioni i Gazetarëve të Kosovës u ka bërë thirrje gazetarëve dhe shoqërisë civile që t’i bashkohen protestës në orën 12:00 kundër revokimit të licencës së mediumit KlanKosova.

“Demokracia vdes në errësirë” është slogani i protestës së sotme.

“Asociacioni i Gazetarëve të Kosovës fton kolegët gazetarë, kameramanë e fotoreporterë, si dhe pjesëtarë të shoqërisë civile, t’i bashkohen protestës nesër në orën 12:00, në Sheshin Zahir Pajaziti”, thuhet në thirrjen e AGK-së.