Lajçak: Zgjedhjet në veri ishin “mina tokësore”

FB: Lumir Abdixhiku

Emisari i Bashkimit Evropian për dialogun, Miroslav Lajçak, është shprehur se zgjedhjet e prillit në katër komunat veriore ishin “mina tokësore”, ku shton se “i kemi shkelur.”

“Marrëveshja e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë. Por, ka shumë ‘mina tokësore’ përgjatë kësaj rruge që ne nuk duhet t’i shkelim. Zgjedhjet lokale të prillit ishin diçka e tillë dhe për fat të keq ne i kemi shkelur ato”, ka thënë Lajçak për median austriake “Kurier”.

Sipas Lajçak, fokusi i BE-së aktualisht nuk është te normalizimi, por te menaxhimi i krizës.