Presidentja nuk do ta dekretojë ligjin që i përjashton veteranët, pret vendimin e Kushtetueses

Vjosa Osmani

Presidentja Vjosa Osmani ka marrë vendim të mos e dekretojë Ligjin për pagën minimale pa vendim të Gjykatës Kushtetuese.

“Rrjedhimisht, presidentja Osmani nuk do ta nënshkruajë këtë ligj, përpara se të kryhet shqyrtimi në Kushtetuese”, ka thënë Bekim Kupina, këshilltar për media, shkruan koha.net.

Aleanca për Ardhmërinë e Kosovës e çoi në Kushtetuese Ligjin për pagën minimale, duke kërkuar shqyrtim shtesë, të premten.

Veteranët e luftës së UÇK-së, protestuan pas miratimit në Kuvend të këtij ligji, duke kërkuar që presidentja të mos e dekretojë, përcjell albinfo.ch.