9 mijë civilë të vrarë nga lufta në Ukrainë

Keystone EPA/OLEG PETRASYUK

Kombet e Bashkuara kanë njoftuar se janë një numër i madh i viktimave civile në luftën në Ukrainë.

Më shumë se 9.000 civilë, përfshirë 500 fëmijë, kanë vdekur që nga fillimi i pushtimit rus të Ukrainës më 24 shkurt 2022, përcjell albinfo.ch.

“Sot shënon një fazë të re të zezë në një luftë që vazhdon të shkaktojë humbje të tmerrshme në mesin e civilëve ukrainase,” tha Noel Calhoun, ndihmës shefi i Misionit të OKB-së për të Drejtat e Njeriut në Ukrainë, shkruan Radio Evropa e Lirë.

Edhe pse këtë vit numri i viktimave ishte mesatarisht më i ulët se në vitin 2022, ai filloi të rritet përsëri në maj dhe qershor, bënë me dije nga OKB.

13 civilë, përfshirë katër fëmijë u vranë më 27 qershor në një sulm me raketa në Kramatorsk, në lindje të Ukrainës.

10 njerëz u vranë të enjten në Lviv, ku në atë sulm 42 persona u plagosën, duke përfshirë tre fëmijë, sipas një raporti të Ministrisë së Punëve të Brendshme të Ukrainës, përcjell albinfo.ch.