Lajme
Shtetasja e Maqedonisë kapet me kamerë në provimin e autoshkollës
"39-vjeçarja ka filmuar pyetjet e provimit me kamerë dhe dyshohet se përgjigjet i ka marrë përmes një butoni që mbante në vesh”
Gjatë testit teorik për patentë shoferin e kategorisë B, një grua me shtetësi të Maqedonisë së Veriut në Mels (St.Gallen) ka tentuar të manipulonte, transmeton albinfo.ch. Kështu ka bërë të ditur të mërkurën policia kantonale e St.Gallenit.
39-vjeçarja ishte e pajisur me mjete të ndryshme teknike – dhe tani po hetohet në prokurorinë publike.
Gruaja është kapur pasi zyra e trafikut rrugor ka raportuar për mashtrim të dyshuar nga ana e saj, në qendrën e thirrjeve të urgjencës kantonale në St. Gallen. Një patrullë e policisë së kantonit ka arritur më pas në vendin e ngjarjes, shkruan polizei-schweiz.ch. Policët kanë gjetur një telefon celular me një aparat fotografik dhe kufje Bluetooth në trupin e gruas.
Policia bën po ashtu të ditur se: “Sipas njohurive të deritanishme, 39-vjeçarja ka filmuar pyetjet e provimit me kamerë dhe dyshohet se përgjigjet i ka marrë përmes një butoni që mbante në vesh”.
Sipas policisë, gruaja mbante edhe disa qindra franga cash me vete. Me sa duket, këto duhej t`i shërbenin si pagesë për personin që u përgjigjej pyetjeve online, dhe që do t`i mundësonte “kalimin e provimit”, përcjell albinfo.ch. Por patenta e shoferit u desh të harrohej kësaj here. Tashmë gruaja po hetohet për dyshimin se donte të merrte me mashtrim, patentshoferin.
(Foto: Kapo St. Gallen)
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi