Greqi: Partia e kryeministrit aktual prin bindshëm

Kyriakos Mitsotakis, Twitter

Kryeministri konservator i Greqisë, Kyriakos Mitsotakis, ka fituar zgjedhjet e tij të dyta, duke shtuar se partia e tij tani ka një “shumicë të sigurt” në Parlament që do ta lejojë atë të miratojë “reforma të mëdha”, shkruan DW.

Me 95% të votave të numëruara, partia e kryeministrit Kyriakos Mitsotakis doli në krye me 40.5% të votave, përcjell albinfo.ch.

“Populli na ka dhënë një shumicë të sigurt. Reformat e mëdha do të vazhdojnë me shpejtësi”, tha Mitsotakis, duke premtuar edhe rritje pagash.

Partia e Mitsotakis ka fituar rreth 157 nga 300 vendet në Parlament falë një ligji për zgjedhjet e përsëritura që i jep partisë fituese 50 vende bonus.

Rreth 9.8 milionë votues kishin të drejtë vote dhe atë e ushtruan të dielën ku mund të zgjidhnin nga 32 parti politike, shkruan DW.

Koalicioni i të Majtës Radikale (Syriza) fitoi rreth 18% të votave, më keq se rezultati në zgjedhjet e mëparshme në maj.

Lëvizja Socialiste Panhelene e qendrës së majtë (PASOK) mori pothuajse 13% të votave, ndërsa Partia Komuniste e Greqisë (KKE) mori më shumë se 7% dhe partia ultra-nacionaliste Spartane ka rreth 5%.

Partia e majtë MeRA25, e themeluar nga ish-ministri i Financave i Syriza, Yanis Varoufakis, nuk e kaloi pragun e 3% të kërkuar për të hyrë në Parlament, përcjell albinfo.ch.