Kamberi: Policët shqiptarë po keqtrajtohen në Serbi

Deputeti i vetëm shqiptar në Serbi, Shaip Kamberi, i ka thënë Euronews se tre policët që u rrëmbyen nga forcat speciale serbe po keqtrajtohen.

Sipas tij, dyshohet se po ushtrohet dhunë ndaj tyre. Tutje shton se Serbia po kërkon kohë deri në rikuperimin e tyre.

“Ndaj tre policëve dyshohet se është ushtruar dhunë, pasi duket që Serbia po kërkon kohë për rikuperim të policëve që të vijnë në gjendje më të mirë. Kjo nga për përvoja që kam me forcat speciale serbe në Preshevë kur arrestonin të rinjtë. Fakti që DASH kërkon lirimin e tyre pa kushte do të thotë se ka të dhënat që i ka KFOR, por për arsye politike po mbahet e heshtur e vërteta”, ka deklaruar ai, përcjell albinfo.ch.