NATO: Po i marrim seriozisht ngjarjet në veri të Kosovës

Keynote speech by NATO Secretary General, Jens Stoltenberg, participating in the Ottawa Conference on Security and Defence, organised by the Conference of Defence Associations (CDA).

NATO ka thënë se i merr shumë seriozisht ngjarjet e fundit që kanë ndodhur në veri të Kosovës.

Zëdhënësja e NATO-s, Oana Lungescu, në një postim në “Twitter” ua ka kujtuar Kosovës dhe Serbisë marrëveshjet e kaluara që janë dakorduar, përfshirë Marrëveshjen Teknike Ushtarake.

“NATO i merr shumë seriozisht ngjarjet në veri të Kosovës. NATO, KFOR, po i merr të gjitha masat e nevojshme për t’u përkujdesur për ambient të sigurt dhe liri të lëvizjes për të gjitha komunitetet në Kosovë, siç është e autorizuar me Rezolutën 1244 në Këshillin e Sigurimit të OKB-së. Angazhimi i NATO- KFOR për zbatimin e mandatit të vetë është i palëkundur, siç tregohet nga vendosja e 500 trupave shtesë. Ua rikujtojmë edhe një herë të gjitha palëve obligimet e tyre ndaj KFOR-it nën Marrëveshjen Teknike Ushtarake, përfshirë respektimin për Vijat Kufitare Administrative, procedurat për Policinë e Kosovës dhe Marrëveshjen e vitit 2013 për dislokimin e Forcave të Sigurisë së Kosovës në veri. Këto detyrime janë krijuar për të siguruar veprim të koordinuar, për ta shmangur përshkallëzimin dhe ruajtjen e një mjedisi të sigurt”, thuhet në postimin e Lungescus në Twitter.