U arrestua një nga organizatorët e sulmeve ndaj pjesëtarëve të KFOR-it

Aksioni i Policisë së Kosovës në Mitrovicë të Veriut

Tre pjesëtarë të Policisë së Kosovës janë të lënduar gjatë një aksioni në veri të Kosovës, ka bërë të ditur ministri i Brendshëm, Xhelal Sveçla, teksa ka njoftuar se në këtë aksion është arrestuar një nga organizatorët e sulmeve ndaj pjesëtarëve të KFOR-it, përcjell albino.ch.

Sipas autoriteteve të Kosovës, ai është një nga organizatorët e sulmeve ndaj pjesëtarëve të KFOR-it dhe “një nga udhëheqësit e formacionit kriminal ‘Mbrojtja Civile'”.

Në këtë rast, Policia e Kosovës është sulmuar nga protestuesit me gurë dhe mjete të tjera të forta. Tensionet në veri vijnë pak pas konferencës së kryeministrit të Kosovës, Albin Kurti, ku bëri të ditur se i ka propozuar shefit të BE-së për Politikë të Jashtme një dokument pesëpikësh për depërshkallëzimin e veriut.

---