Rama: Ata që akuzojnë, nuk e dinë përmbajtjen e draft-statutit të Asociacionit

Keystone (AP Photo/Franc Zhurda)

Kryeministri i Shqipërisë, Edi Rama, ka komentuar reagimet për draft-statutin e Asociacionit të Komunave me Shumicë Serbe që ai i ka dërguar presidentit të Francës, Emmanuel Macron dhe kancelarit të Gjermanisë, Olaf Scholz.

Ai u shpreh se ata që akuzojnë, nuk e dinë përmbajtjen e draftit.

“Ata që shajnë e akuzojnë pa e ditur fare çka përmban draft-Statuti i Asociacionit kanë frikë vetëm nga një gjë: Se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar më 1999 dhe armiku është mundur”, tha Rama, shkruan klankosova, përcjell albinfo.ch.