Von Cramon bën thirrje për përmbajtje

Raportuesja për Kosovën në Parlamentin Evropian, Viola von Cramon, po qëndron në Kosovë, ajo pritet të takohet me krerët e shtetit dhe po ashtu me përfaqësues të KFOR-it dhe EULEX-it.

Von Cramon ka dënuar veprimet në veri të Kosovës dhe ka bërë thirrje për përmbajtje.

“Kam filluar vizitën në Kosovë me përfaqësuesit e shoqërisë civile dhe me mediat për të marrë më tepër informata për situatën e djeshme në veri dhe zhvillimet aktuale, para se të takohem me zyrtarët qeveritarë, me KFOR-in, EULEX-in dhe serbët e Kosovës në Mitrovicë. Unë i dënoj dhunën dhe veprimet në veri. Duhet frenim nga dyja palët dhe përkushtim i plotë ndaj dialogut të lehtësuar nga BE-ja, si dhe zbatim i menjëhershëm i marrëveshjeve të arritura. Përkrahje e plotë për Miroslav Lajçakun në angazhimin e tij”, ka shkruar Von Cramon, përcjell albinfo.ch.