Lajme
BE-Google, marrëveshje për rregullat e Inteligjencës Artificiale
Kompania “Alphabet” që ka në pronësi “Google” dhe Komisioni Evropian synojnë të arrijnë një pakt mbi inteligjencën artificiale që të përfshijë kompani evropiane dhe të huaja përpara se të caktohen rregullat për qeverisjen e teknologjisë.
Komisioneri i BE-së për Industrinë, Thierry Breton u takua në Bruksel me Sundar Pichai, shef ekzekutiv i Google dhe i kompanisë mëmë “Alphabet”.
Breton bëri të ditur se bashkë me mysafirin e tij kishin rënë dakord se nuk mund të presin derisa rregullat mbi Inteligjencën Artificiale të bëhen të aplikueshme.
“Ne duhet të menaxhojmë situatën urgjente, por nuk duhet të ngadalësojmë inovacionin. Ndaj, na duhet të gjejmë mjetet e duhura dhe të jemi të palëkundur për disa elementë të caktuar që do të mbikëqyren; si dhe t’i paraprijmë deri në njëfarë mase efekteve të Aktit të Inteligjencës Artificiale”, thotë Thierry Breton, komisioner i BE për Industrinë,
Pakti, detajet e të cilit janë ende të paqarta, do të përfshijë të gjitha kompanitë e mëdha që punojnë në fushën e teknologjisë artificiale brenda dhe jashtë Evropës.
Edhe pse inteligjenca artificiale ka qenë prej kohësh në radarin e Brukselit, shpërthimi në treg i “Chat GPT” ka hapur debate dhe vendosur modelet themelore nën mikroskopin e BE-së.
Modelet themelore janë ato të pajisura me një sasi të madhe të dhënash si tekste, foto, muzikë, fjalime dhe kode, me qëllim përmbushjen e një pakete detyrash në vend që të kenë një qëllim të caktuar por të pamodifikueshëm.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?