Deri në 2 miliardë franga kushton pastrimi i liqenit të Gjenevës nga bombat e hedhura

pixabay

Mund të kushtojë deri në dy miliardë franga pastrimi i liqenit të Gjenevës nga municionet e hedhura.

Mendohet se në fund të liqenit ka mijëra bomba, predha artilerie dhe plumba.

Nuk dihet se sa ka. Vlerësimet variojnë nga 150 në 1000 tonë. Eksplozivët u hodhën midis viteve 1940 dhe deri në vitet tetëdhjetë, shkruajnë mediat zvicerane, përcjell albinfo.ch.

Një studim i vitit të kaluar thotë se municionet janë të qëndrueshme dhe nuk ka gjasa të jenë rrezik. Por ka ende 700 vende të dyshuara për t’u analizuar. Zhytësit raportojnë se kanë zbuluar më shumë se 3000 sinjale magnetike.

Është kontrolluar edhe uji dhe nuk ka shenja kontaminimi. Por, ende nuk është marrë një vendim përfundimtar nëse vendet duhet të pastrohen.