Lajme
9 viktima në Itali nga shirat e rrëmbyer, anulohet gara e Formulës 1
Pasojat nga moti i keq çojnë në anulimin e garës së Formulës 1 në Italinë fqinje. Nëntë persona kanë humbur jetën dhe disa të tjerë janë zhdukur, si pasojë e shirave të rrëmbyeshëm, që kanë vërshuar në rajonin italian Emilia-Romanja, duke sjellë përmbytje masive, përcjell albinfo.ch.
Rreth 13 mijë njerëz u evakuuan dhe disa u shpëtuan me helikopterë pasi qëndronin në çatitë e shtëpive, në pritje për t’u larguar nga autoritetet. Zyrtarët italianë konfirmuan se 14 lumenj kanë dalë nga shtretërit e tyre, duke vërshuar në 23 komuna që janë nën pushtetin e ujit.
Kryetari i Bashkisë Ravenna, Michele de Pascale, u shpreh se aktualisht qyteti është “tjetërsuar”. Gara e planifikuar këtë fundjavë, Formula 1 Grand Prix në Emilia-Romanja u anulua.
Në diskutimet e një dite më parë mes autoriteteve vendase dhe organizatorëve të garës në Imola, u vendos se gara nuk mund të mbahet, pasi kushtet atmosferike nuk e lejojnë.
Sasi edhe më të mëdha të shirave pritet të bien edhe në ditët në vijim, duke e rënduar më tepër situatën. Duke folur për televizionin shtetëror italian, RAI, de Pascale u shpreh:
Kjo mund të ketë qenë nata më e rëndë në historinë e Emilia-Romanjas.
Kryebashkiaku i qytezës së afërt, Forli, Luca Zattini, vuri në dukje se qyteti është “gjunjëzuar, i shkatërruar e në dhimbje”.
Kryeministrja italiane, Giorgia Meloni, e cila premtoi ndihmë për Emilia-Romanjën, ka organizuar një takim me ekipin e krizave dhe më pas u shprehu falënderime ekipeve të shpëtimit, të cilat e vunë në rrezik jetën e tyre për të ndihmuar personat e goditur nga pasojat e motit të keq, me vërshime katastrofike në Emilia-Romanja.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?