Rita Ora ngjitet në skenën e “Eurovision”

FB: Rita Ora

Në gjysmëfinalen e parë të spektaklit më të madh evropian të këngës, “Eurovision” do të paraqitet si e ftuar speciale edhe këngëtarja me prejardhje shqiptare Rita Ora.

Sonte në skenën në Liverpool ngjitet Rita për të kënduar këngën e saj të fundit “Praising You”, për çka ka nisur edhe provat e fundit gjeneralë.

Para 13 vjetësh, Rita Ora ka refuzuar të përfaqësojë Britaninë e Madhe në “Eurovision” edhe pse ajo u përzgjodh për ta përfaqësuar këtë shtet.

Në atë kohë, ajo deklaroi: “E bëra sepse mendova se ishte një mundësi për të kënduar, por më pas ndjeva brenda vetes se nuk ishte mundësia e duhur për mua”, shkruan koha.net.

Në “Eurovision 2023” do të performojnë edhe ylli i shout “The X Factor”, Rebecca Ferguson dhe këngëtarja ukrainase, Alyosha, e cila e kishte përfaqësuar shtetin e saj në “Eurovision” në vitin 2010.