Kurti: Në vend të një memoriali për viktimat e luftës, Serbia po mban ushtrime ushtarake

Zyra e kryeministrit

Të shtunën në Batajnicë të Serbisë janë zhvilluar stërvitje të ushtrisë serbe. Për këtë ka reaguar kryeministri i Kosovës, Albin Kurti.

“Në një varr masiv në Batajnicë, u fshehën 744 trupa të shqiptarëve të Kosovës, përfshirë 46 anëtarët e familjes Berisha. Në vend të një memoriali për viktimat e luftës, Serbia po mban ushtrime ushtarake aty për ‘Ditën e Forcave të Armatosura’. Trupat mund të fshihen, por e vërteta s’mund të varroset”, ka shkruar Kurti në Tëitter, përcjellë albinfo.ch.

Në Batajnicë, në dy varreza masive në të kaluarën janë gjetur trupat e shqiptarëve të vrarë gjatë luftës në Kosovë. Gjithsej aty janë gjetur 744 trupa të shqiptarëve, përfshirë 46 anëtarët e familjes Berisha.

Të shtunën në këto ushtrime të ushtrisë serbe kanë qëndruar edhe krerët e Listës Serbe, përcjellë albinfo.ch.