Kosovë: Kërkohet rishikimi i Ligjit për kontrollimin e duhanit

Photo Gerd Altmann

Oda e Hotelerisë dhe Turizmit të Kosovës vlerëson se mënyra e aplikimit të Ligjit për Kontrollimin e Duhanit është duke u shkaktuar dëme të mëdha bizneseve në sektorin e hotelerisë dhe gastronomisë, raporton GazetaBlic.

OHT përmes një reagimi thotë se e mbështesin këtë ligj, por sipas tyre, duhet gjetur format dhe modalitetet e duhura, prandaj edhe kërkon që të bëhet rishikimi i këtij ligji.

Reagimi i plotë:

Oda e Hotelerisë dhe Turizmit të Kosovës vlerëson se mënyra e aplikimit të Ligjit për Kontrollimin e Duhanit është duke u shkaktuar dëme të mëdha bizneseve në sektorin e hotelerisë dhe gastronomisë.

Oda mbështet aplikimin e Ligjit për Kontrollimin e Duhanit, por thekson se duhet gjetur format dhe modalitetet e duhura, prandaj edhe kërkon që të bëhet rishikimi i këtij ligji.

Në mënyrë që ky ligj të jetësohet, por edhe që të mos u shkaktohen dëme bizneseve, Oda apleon që në grupin punues për rishikimin e ligjit të jenë edhe përfaqësuesit e bizneseve, pra edhe një përfaqësues nga Oda e Hotelerisë dhe Turizmit të Kosovës.