A duhet të përdorin studentët ChatGPT?

(KEYSTONE/Christian Beutler)

Opinioni publik është i ndarë në debatin se a duhet të përdorin studentët ChatGPT për të shkruar esetë e tyre. Disa dhanë alarmin për plagjiaturën që po dilte jashtë kontrollit dhe departamenti i arsimit i Nju-Jorkut e bllokoi atë nga klasat, përcjell albinfo.ch.

Profesor Pedro Oliveira, Dekan i Nova School of Business & Economics (Nova SBE) në Lisbonë, thotë se ChatGPT duhet të lejohet të përdoret. Ai po formulon një politikë që do të përqafojë ChatGPT dhe do t’i lejojë personelit mësimdhënës diskrecionin për specifikat e përdorimit të tij. “Ne kemi një detyrim t’i përgatisim studentët tanë për botën atje”, thotë ai. “AI do të ndryshojë arsimin dhe çdo industri, dhe ne më mirë të jemi gati për të nëse duam të zhvillojmë një avantazh konkurrues”, shkruan thelocal.ch.

Madje, edhe ndalimi i plotë i këtij sistemi nga Italia shihet nga Oliviera se do lë prapa studentët italianë. “Përpjekjet për ta ndaluar këtë janë si të përpiqesh të ndalosh erën me duart e tua. Ndoshta studentët italianë do të mbeten prapa kur më në fund të kenë nevojë të fillojnë ta përdorin atë”, është shprehur ai, përcjell albinfo.ch.

Por a e rrit produktivitetin sistemi i AI-së? Sipas profesoreshës Ana Balcão Reis, një ekonomiste që ka bërë kërkime mbi rritjen e nxitur nga teknologjia e re, çdo zhvillim i tillë e rrit produktivitetin. “Unë flas me njerëz që përdorin ChatGPT në biznes, të cilët po shohin një rritje të produktivitetit; për shembull, kompanitë financiare e përdorin atë për të filluar shkrimin e raporteve ose kompanitë e teknologjisë për hapin e parë në hartimin e kodit”, thotë ajo.

Përdorimi i ChatGPT në studime do të ndikojë edhe në sistemin e vlerësimit. Profesori Oliviera thotë se duhen ndryshme rrënjësore në vlerësim. “Ne do të ulim peshën e raporteve me shkrim dhe provimet me gojë do të rriten. Pavarësisht se çfarë është në tekst, unë kam nevojë që ju të mbroni këndvështrimin tuaj”, thotë ai, shkruan thelocal.ch.