Mitrovicë e Veriut, qytetarit i dëmtohet vetura, i lihet mbishkrimi UÇK

Në veri të Kosovës ka vazhduar dëmtimi i veturave të qytetarëve.

Mesditën e së dielës një qytetar, shtetas i Kosovës, ka njoftuar policinë se i është dëmtuar vetura dhe i është lënë një mbishkrim, UÇK.

“Ankuesi, mashkull  kosovar, ka informuar se nga persona të panjohur i është dëmtuar vetura e tij dhe i kishin lënë në veturë një mbishkrim “UÇK”, sipas ankuesit edhe një mbishkrim të njëjti i kishin vendosur në hyrje të ndërtesës së tij”, thuhet në njoftimin e Policisë së Kosovës, përcjell albinfo.ch.

Rasti është cilësuar si “nxitje e përçarjes dhe mosdurimit”, e është duke u hetuar.