FMN mbështetë Kosovën me 260 milionë euro

FB: Hekuran Murati

Ministri i Punës, Financave dhe Transfereve në Kosovë, Hekuran Murati po qëndron në Washington D.C. bashkë me Zv. Kryeministrin Besnik Bislimi. Gjatë vizitës atje ai ka takuar edhe përfaqësuesit e Fondit Monetar Ndërkombëtar, për të diskutuar për programin e ri mbështetës, përcjellë albinfo.ch.

Sipas Muratit “programi i ri përfshin vënien në dispozicion fillimisht të shumës prej 80 milionë euro në kuadër të instrumentit më të ri të FMN-së të quajtur Resilience and Sustainability Fund, dhe me mundësinë e zgjerimit për edhe 80 milionë euro tjera”, përcjellë albinfo.ch.

Mjetet nga programi RSF pritet t’i vihen në dispozicion Kosovës për investime në ndërtim të kapaciteteve të reja të energjisë së ripërtërishme me erë dhe diellore.

Pjesa tjetër e mbështetjes do të jetë në formën e një Aranzhimi për Gatishmëri (precautionary SBA) në vlerë prej 100 milionë euro për 2 vitet e ardhshme, ka shtuar Murati, përcjellë albinfo.ch.