Më shumë fëmijë me prerje cezariane në Zvicrën gjermanishtfolëse se sa në frëngjishtfolëse

@pixabay

Ka më shumë fëmijë të lindur me prerje cezariane në Zvicrën gjermanishtfolëse se sa në Zvicrën frëngjishtfolëse, sipas një raporti të publikuar nga Observatori Shëndetësor, Obsan.

Raporti analizon të dhënat e vitit 2021 dhe tregon se nga afro 87,000 lindje në vend, afro 29,000 janë me prerje cezariane, shkruajnë mediat zvicerane, përcjell albinfo.ch.

Mesatarja kombëtare është më e lartë në nëntë kantone gjermanishtfolëse, ku kantonet e Schaffhausen dhe Zug janë më të lartat me më shumë se 40 për qind.

Për krahasim, 27 për qind e lindjeve në kantonet Vaud dhe Gjenevë ishin me prerje cezariane.

Eric Masserey, një mjek në kantonin e Valais, thotë se ndryshimi në normat e prerjeve cezariane midis kantoneve franceze dhe gjermanishtfolëse mund të shpjegohet më lehtë nga dallimet kulturore dhe stilet e ndryshme të trajnimit për mjekët.